اس نظم کے کچھ اشعار مرکز نظام الدین اولیاء میں اور کچھ خانقاہ امدادیہ اشرفیہ اختریہ میں لکھے گئے ہیں جبکہ اس کی تکمیل دار العلوم میں ہوئی ۔۔۔

. ہر ایک صحابی ہے محمدؔ کا دلارا
" قَدْ اَفْلَحَ " جس نے بھی کسی ایک کی مانی

. *أصحابی کالنجوم*
. *بأیھم إقتدیتم إھتدیتم*

میرے صحابہ ستاروں کی مانند ہیں جس کی بھی اقتداء کروگے کامیاب ہو جاؤگے ، اگر ایک حکمران حضرت فاروق اعظمؓ کی اقتداء کرتا ہے تو وہ کامیاب ہے ، اگر ایک جرنیل حضرت خالدؓ بن ولید کی اتباع کرتا ہے تو وہ بھی کامیاب ہے ، اگر ایک عالم دین حضرت عبدﷲ بن عمرؓ، عبدﷲ بن عباسؓ اور عبد ﷲ بن مسعودؓ ، کی پیروی کرتا ہے تو وہ بھی کامیاب ہے اور اگر ایک پیر ، اگر ایک مرید ، اگر ایک خانقاہی اور اگر ایک تبلیغی حضرت ابوذر غفاریؓ کے نقشِ قدم پر چلتا ہے تو وہ بھی کامیاب ہے
ایسا نہیں ہے کہ صرف ابن مسعود اور ابوذر غفاری کے پیروکار ہی " فقد فاز فوزا عظیما " کے مصداق ہیں یہ اس وجہ سے کہ اس کم عقل کا مشاہدہ رہا ہے کہ اس دورِ ترکِ قیادت و سیادت میں ایک عالم ، عالم ہی کو کامیاب اور ایک صوفی ، صوفی ہی کو بامراد سمجھتا ہے یہی وجہ ہے کہ آج علماء اور صوفیاء اپنے بچوں کو قیامت و سیادت کی تعلیم نہیں دیتے ، حکومت و سیاست سے دور ہی دور رکھتے ہیں مگر حق یہی ہے کہ ایک حاکم اور ایک جرنیل بھی کامیاب و کامران ہے اگر وہ کتاب ﷲ و سنت رسول ﷲ کی پیروی کرتا ہے کیوںکہ سرکار دو عالم صلی اللّٰه علیہ وسلم کا فرمان ہے کہ میرے صحابہ ستاروں کی مانند ہیں جس کی بھی اقتداء کروگے کامیاب ہو جاؤگے اور ہمیں یہ بات اچھی طرح معلوم ہے کہ صحابہ کسی بھی میدان کے ہوں مگر ہر ایک میں ہے وصفِ نبوت کی نمائی ہے اور یہ بھی کہ تمام صحابہ کسی ایک میدان کے نہیں ہیں ، چنانچہ کوئی حاکم ہیں تو کوئی جرنیل تو کوئی عالم تو کوئی صوفی لہذا اب اگر کوئی اس کے برعکس سمجھتا ہے تو شاید وہ دین کو ایک مخصوص دائرے تک محدود کر رہا ہے ۔۔۔۔۔

. *شاہؔی ارریاوی*