| تمام نبیوں کے سلطان آگئے آقاؐ |
| رسولوں میں جو ہیں ذیشان آگئے آقاؐ |
| سرور قلب کے عرفان آگئے آقاؐ |
| قرار و امن کی پہچان آگئے آقاؐ |
| وقار و مرتبہ میں آپؐ کا نہ ہے ثانی |
| جو اسری کے ہوئے مہمان آگئے آقاؐ |
| خدا ﷻکے ساتھ رسولؐ خدا کا نام آئے |
| شہ مدینہؐ کی ہے شان آگئے آقاؐ |
| طریق مجتبیؐ کو سینے میں سجایا ہے |
| یہ جان و مال بھی قربان آگئے آقاؐ |
| نوید خیر لئے جبرئیلؑ جب آئے |
| سنایا مولی کا فرمان آگئے آقاؐ |
| لبوں پہ صل علی کے ترانے ہیں ناصؔر |
| شہ ہدیؐ ہیں مری جان آگئے آقاؐ |
معلومات