| سایہ ملا ہے جس کو میرے حضور کا |
| آقا ضیائے ہستی مولا کے نور کا |
| قرباں ہے جان کرتا آلِ رسول پر |
| کشتہ یہ نامِ رب کا بردہ حضور کا |
| مقصود منزلوں کے ان کے غلام ہیں |
| جن کو کہاں ہے خدشہ یومِ نشور کا |
| کربل میں گل کھلے ہیں خونِ رسول سے |
| حیران دیکھے اس کو وہ جلوہ طور کا |
| دیکھیں خُبیب ان کا عشقِ بلال بھی |
| نامِ نبی نشہ ہے جن کے سرور کا |
| خاصوں میں خاص ہیں یہ بندہ نواز کے |
| کیسا کرم ہے ان پر ربِ غفور کا |
| ان کو ملی ہے مجلس آقا کریم کی |
| پورا ملا ہے حصہ اعلیٰ شعور کا |
| دل شاد ہیں یہ رہتے مولا کے فضل سے |
| ہے سایہ ان سروں پر دانا غیور کا |
| محمود مصطفیٰ ہیں محبوبِِ کبریا |
| بولو بنائے مولا بردہ حضور کا |
معلومات