| تیرے ہی نام کی سارے چاہیں برکت اللہ |
| محتاج بن کے مانگیں تیری ہی رحمت اللہ |
| ہے لائق پرستش، ہے لائق اطاعت |
| ہم ایسی ذات کی کرتے ہیں عبادت اللہ |
| اول بھی تو ہے آخر بھی تو، ترا نہ ثانی |
| ہے بے مثال عالم میں تیری وحدت اللہ |
| شمس و قمر، کواکب، ارض و سما یہ سب کچھ |
| ہر چیز میں جھلکتی ہے تیری قدرت اللہ |
| ساری بزرگی ہے تیری ذات کو سزاوار |
| ہے احترام کے قابل تیری جلالت اللہ |
| جو نیکی یا بدی ہوتی رونما یہاں ہے |
| اس میں ہے کارفرما تیری مشیت اللہ |
| پروردگار عالم ناصؔر پہ ہو عنایت |
| تا زیست چاہتا ہے تیری کفالت اللہ |
معلومات