کرم مصطفیٰ کا ہے وہ آسرا |
جو تریاقِ جاں ہے دکھوں کی دوا |
غموں سے بچائے خلق کو نبی |
دکھائے جو رستہ ہے سب سے بھلا |
ورودِ نبی سے سجا کُل دہر |
جہاں ظلمتوں کا ہوا پُر ضیا |
حسیں ضوفشانی نبی کا ہے دان |
یوں گردوں کو ان سے ملی ہر جلا |
ہے نورِ بصیرت عطائے نبی |
خدا کا پتہ بھی نبی سے ملا |
نگینہ زمیںں کا دیارِ نبی |
گلی دے سخی کی ارم کا پتہ |
درِ مصطفیٰ کی جو سوچیں ملیں |
ملا وہ وظیفہ جو دے ہر شفا |
ہے کردار ان کا فلاحِ زماں |
خُلق ہے نبی کا دہر میں سوا |
صلوٰۃِ نبی سے فزوں تر دہر |
اے محمود ان پر درودِ خدا |
معلومات