| پھر آپ چاہے ان کو خدا بھی بنائیے |
| پہلے درندہ وحشی کو انساں بنائیے |
| دل میں تو پہلے درد کا طوفان لائیے |
| پھر دردِ جاں کو بھی غمِ جاناں بنائیے |
| غم ہائے جاناں کے ہی جگر میں کھلائیں پھول |
| ویرانیوں کو یعنی گلستاں بنائیے |
| یادِ ستم گراں میں تو سو بار روئیے |
| ان موتیوں کو زینتِ داماں بنائیے |
| ثانی محبتوں کی رہِ گل میں دوڑیے |
| اس شاعری کو رشتۂ دوراں بنائیے |
| ایسی ٹھسک سے محفلِ دل کو ہلائیے |
| اچھی سی جان والے کو بے جاں بنائیے |
| ان سنگھیوں کے دل میں ہے بس ایک ہی امنگ |
| قرآں کو وید وید کو قرآں بنائیے |
| ہیں کب سے منتظر، ملیں مژگاں کی دعوتیں |
| محفل میں اپنی کب ہمیں مہماں بنائیے |
| کتنے شہید ہو چکے کوچے میں اس کے آج |
| اپنے بھی قتل کا کوئی ساماں بنائیے |
معلومات