| شہرِ نبی میں مولا یہ زندگی بسر ہو |
| دلدار کی گلی میں میرا حسین گھر ہو |
| گزریں جو رات دن پھر بطحا میں نور والے |
| دیکھوں فضائیں نوری، نوری یہاں سحر ہو |
| جالی کے روبرو ہی، دائم کھڑا رہوں میں |
| بابِ نبی سے مولا میری سدا گزر ہو |
| کرتے رہیں زباں دل ذکرِ حبیب ہر دم |
| جب وقت آئے میرا سرکار کا نگر ہو |
| در دلربا کے منظر معراج مومنوں کی |
| راہِ کٹھن پہ ہوں میں آقا یہ جلد سر ہو |
| بھٹکوں نہ راستے سے منزل گراں سے گزروں |
| میری یہ کبر سنی مولا نہ دربدر ہو |
| قرباں کروں میں دنیا، نامِ نبی پہ مولا |
| یہ جان میرے داتا سرکار کی نذر ہو |
| تقدیرِ مومنیں میں، نقشِ قدم نبی ہوں |
| طاغوت کا جہاں سے، اب دور کل سحر ہو |
| ہر رازِ کامرانی بطحا سے لائیں کرنیں |
| جو مغربی ہے آفت، یہ جڑ سے بے اثر ہو |
| محمود غازہ مومن کو، طیبہ سے ملا |
| اے کاش تجھ کو پوری، اس خیر کی قدر ہو |
معلومات