| اے خلد کی بہارو آمد ہے مصطفیٰ کی |
| جنت کے عہدہ دارو آمد ہے مصطفیٰ کی |
| راحت ہے نوریوں کو عیدوں میں عید ہے یہ |
| خوشیوں سے سب پکارو آمد ہے مصطفیٰ کی |
| ہو دید سیر ہو کر نورِ حبیبِ رب کی |
| امبر کے شمس تارو آمد ہے مصطفیٰ کی |
| بعد از خدا ہے رتبہ لولاک کے پیا کا |
| مرسل اے تاجدارو آمد ہے مصطفیٰ کی |
| حاجت روا خدا ہے نعمت عطا نبی کی |
| سن لو اے غم کے مارو آمد ہے مصطفیٰ کی |
| دانائے راہ ہادی دانی ہیں منزلوں کے |
| بَن باغ کُوہسارو آمد ہے مصطفیٰ کی |
| ہر قول زریں اُن کا تفسیرِ حکمِ حق ہے |
| فرقاں کے اے سپارو آمد ہے مصطفیٰ کی |
| عصیاں گناہ سے ہے گر داغ دار نامہ |
| مژدہ ہے غم کے مارو آمد ہے مصطفیٰ کی |
| سامانِ مغفرت ہے میلاد کا یہ تحفہ |
| خوشیاں منائیں یارو آمد ہے مصطفیٰ کی |
| ہر درد کی دوا ہیں درماں ہیں جو دکھوں کا |
| خوش ہوں میں غمگسارو آمد ہے مصطفیٰ کی |
| سب بھر رہے ہیں جھولی محمود خوشیاں آئیں |
| آقا کے جاں نثارہ آمد ہے مصطفیٰ کی |
معلومات