| اے مِرے مصطفی تجھ سا کوئی نہیں |
| شاہِ خیرالوری تجھ سا کوئی نہیں |
| اے مِرے دلربا۔ تجھ سا کوئی نہیں |
| حاکمِ انبیا تجھ سا کوئی نہیں |
| پیکرِ حسن دیکھے بہت ہی مگر |
| تجھ پہ آیا جیا تجھ سا کوئی نہیں |
| لوگ کہتے ہیں خاتم بڑا تھا سخی |
| کہتے ہیں اسخیا تجھ سا کوئی نہیں |
| بنتِ حاتم کو خیرات تجھ سے ملی |
| کہہ اٹھی وہ شہا تجھ سا کوئی نہیں |
| ایک کاسے سے بھرتے شکم دیکھ کر |
| صاحبوں نے کہا تجھ سا کوئی نہیں |
| چاند کو اک اشارے سے چیرا تُو نے |
| پھر جہاں نے کہا تجھ سا کوئی نہیں |
| ابتدائے رسالت ہے تجھ پر مبیں |
| تجھ پہ ہی انتہا تجھ سا کوئی نہیں |
| اے حبیبِ خدا وہ شبِ اسری کو |
| تُو نے دیکھا خدا تجھ سا کوئی نہیں |
| اللہ اللہ ہے ساری مخلوق سے |
| تیری خلقت جدا تجھ سا کوئی نہیں |
| سرورِ کل ہو سردارِ کل بھی ہو تم |
| کہتے ہیں انبیا تجھ سا کوئی نہیں |
| مجھ پہ پل پل ہے تیرا کرم ہی کرم |
| تجھ پہ عاجز فدا تجھ سا کوئی نہیں |
معلومات