| چہرے سے مصطفیٰ جب پردہ اٹھائیں گے |
| دیدار حسنِ رب کا سب کو کرائیں گے |
| عکسِ جمالِ یزداں حسنِ حبیب ہے |
| ظلمت میں فرقتوں کی جلوہ دکھائیں گے |
| عاشق خدا ہے جن کا محبوب دلربا |
| اُن پر درود رب سے آتے ہیں آئیں گے |
| مرضی تھی جیسے اُن کی رب نے بنا دیا |
| حسان داستاں یہ تم کو سنائیں گے |
| عرشِ الہ پہ آقا بھولے نہ امتی |
| محشر میں مومنیں کی بخشش کرائیں گے |
| آیا ہے حق سے بیڑا انہی کے ہاتھ میں |
| سرکار خیر سے جو ساحل پہ لائیں گے |
| محمود غم نہ کرنا آقا کریم ہیں |
| نارِ سموم سے جو مومن چھڑائیں گے |
معلومات