| رحمتوں کا ہر طرف یہ شامیانہ دیکھئے |
| منظرِ دستار کتنا ہے سہانا دیکھئے |
| فضلِ رب سے آ گئی ساعت مبارک آ گئی |
| رشک کرتا شادمانی میں زمانہ دیکھئے |
| نور و نکہت کی مسلسل ہو رہی ہیں بارشیں |
| خوشیوں کا بجنے لگا ہے شادیانہ دیکھئے |
| یا خدا! رکھنا سلامت انکے چہرے کی چمک |
| میرے لب پر ہے دعاءِ والہانہ دیکھئے |
| ان کے قدموں کے تلے رکھتے ملائک اپنے پر |
| فضلِ رب ہے ہر گھڑی شانہ بشانہ دیکھئے |
| تاجِ زریں سے نوازے گا خدا ماں باپ کو |
| بخشا جائے گا قیامت میں گھرانا دیکھئے |
| تشنگانِ علم و فن سیراب ہوتے ہیں جہاں |
| علم و فن کا وہ چمکتا آشیانہ دیکھئے |
| وارثینِ انبیاء کی مدحت و توصیف میں |
| تہنیت کا خوب صورت یہ ترانہ دیکھئے |
| روزِ محشر رب تعالی بخشے گا انکے سبب |
| خلد ہوگا انکے صدقے ہی ٹھکانہ دیکھئے |
| انکے چہرے کی زیارت باعثِ اجر و ثواب |
| قربِ رب کا اے تصدق ! یہ خزانہ دیکھئے |
معلومات