| غزل |
| آدمی با کمال ہوتا ہے |
| پھر اچانک زوال ہوتا ہے |
| اک محبت خلوص کا جملہ |
| روشنی کی مثال ہوتا ہے |
| بات بر وقت گر نہ کی جائے |
| زندگی بھر ملال ہوتا ہے |
| بے ہنر خلق میں ہنر بانٹے |
| آدمی وہ کمال ہوتا ہے |
| میں اکیلا کبھی نہیں ہوتا |
| ساتھ تیرا خیال ہوتا ہے |
| عام سا شخص خاص بن جائے |
| عشق میں یہ کمال ہوتا ہے |
| لاکھ ہم احتیاط برتیں پر |
| نقص کا احتمال ہوتا ہے |
| دادِ تحسین کا شرف پائے |
| شعر جو حسبِ حال ہوتا ہے |
| چین کی نیند سو شہاب احمد |
| خوب تھک کر نڈھال ہوتا ہے |
| شہاب احمد |
| ۱۴ اگست ۲۰۲۵ |
معلومات