| قطرے کو بحر کر دے صدقے حبیب کے |
| مولا یہ مِہر کر دے صدقے حبیب کے |
| ہے ظلمتوں نے گھیرا مقصود نور ہے |
| دل مثلِ مہر کر دے صدقے حبیب کے |
| مجھ میں سکت کہاں ہے نارِ سعیر کی |
| آسان حشر کر دے صدقے حبیب کے |
| منزل بنے جو بطحا قربان جان و دل |
| یہ شہر قدر کر دے صدقے حبیب کے |
| قلبِ حزیں میں نالے ناقابلِ بیاں |
| تاباں یہ صدر کر دے صدقے حبیب کے |
| مولا میں امتی ہوں آقا کریم کا |
| جیون کو امر کر دے صدقے حبیب کے |
| کوزے میں آئے دریا داتا کریم تو |
| عاجز ہوں نصر کر دے صدقے حبیب کے |
| گزرے دہر کے یہ پل ہوں نا تمام میں |
| قوسی کو بدر کر دے صدقے حبیب کے |
| محمود بندہ تیرا بردہ حبیب کا |
| مسعودِ دہر کر دے صدقے حبیب کے |
معلومات