| طلسمِ سخن |
| اے زمِینِ طلسم! |
| تو نے کب دیکھا کہ ہم نے |
| اپنے زخموں کو غزل میں ڈھالا |
| ہر درد کو اک مصرع بنایا |
| ہر آہ سے اک نغمہ اٹھایا |
| تارِ حیات کے بکھرے تاروں سے |
| قطرہ قطرہ حُروفِ سحر بنے |
| نغمۂِ شوق کے ساز چُنے |
| درد کی ساعت میں پل گنے |
| جو دل میں تھا سوزِ دروں |
| وہی شعلہ نوائے رباب بنا |
| وہی نغمہ آشناۓ دل بنا |
| وہی سوز نوائے خوں بنا |
| تجھے لگا کہ خنجرِ ایام نے |
| ہمیں شاید خاموش کر دیا ہوگا؟ |
| ہر زخمِ ناگہاں زبانِ نوا ہوگا |
| ہر سسکی صدا کا دریا ہوگا |
| ہر شاخِ صبر پہ کھلا عشقِ نو کا چمن |
| ہر زخمِ جاں فزوں ہوا مطلعِ سخن |
| ہر سسکی سیّال ہوئی بحرِ رسن |
| ہر ضربِ تیشہ بنی تاثیرِ امن |
| اب پوچھے کوئی کہ "رازِ الم کیا ہے؟" |
| تو دیکھ لے سِینۂِ سوزاں کی لوح پر، |
| جہاں ہر داغِ جگر نقشِ سخن ہے، |
| جہاں ہر آہ صریرِ قلم ہے! |
| اے ارضِ پرستار! یہ طلسمِ بے نام |
| کب تک ہمارا پیچھا کرے گا؟ |
| جو تو نے دیے ہیں زخمِ ناگفتنی، |
| کب اُن پہ مرہمِ جبیں پڑے گا؟ |
| المیر بیخود |
معلومات