| ہے بطحا کو یارو سفر دھیرے جاری |
| کرم اس خدا کا جو ہے ذاتِ باری |
| سدا دل میں میرے یہی آرزو تھی |
| کریں گے وہ محسن ختم بیقراری |
| نظر میرے آقا سے آئی عطا کی |
| لگے آساں مجھ کو بڑی ذمہ داری |
| درِ پاک ہادی پہ سر کو رکھوں گا |
| عمر کو کہوں گا یہاں گزرے ساری |
| کہیں گے یہ آنسو جو روداد میری |
| گراں لائے گی رنگ یہ اشک باری |
| ندا کی یہاں پر ضرورت نہیں ہے |
| عطائے نبی ہے دہر میں نیاری |
| جو محمود فیضِ گراں کا ہے منبع |
| چلو دیکھو بطحا میں رحمت ہے ساری |
معلومات