| ہوا ہے محوِ الفت اب مرا دل آہستہ آہستہ |
| ہوئی ہے حل مری ہر ایک مشکل آہستہ آہستہ |
| مرے دل کے ستم دیدہ! ذرا تم دھیرے سے چلنا |
| نہ ہو پاشیدہ یہ جاں کا ہی بسمل آہستہ آہستہ |
| پلا دے ساقیا! مجھ کو مےِ صہبائے الفت کی |
| کہ ہو یہ زہدِ ریائی بزم سے زائل آہستہ آہستہ |
| سنائی دی مجھے جب اپنی ہی وہ چاپِ مژگاں تو |
| مرا باطن نکھر کر ہو گیا کامل آہستہ آہستہ |
| ٹھہر کر جب میں دیکھا، وقت اپنا ہم زاد ہی نکلا |
| بدلنے لگ گیا ہے اب مرا محمل آہستہ آہستہ |
| توجہ سے جو دیکھا تو سدا صدیاں ہی سمٹیں تھیں |
| کھلا ہے مجھ پہ یہ اب رازِ سلاسل آہستہ آہستہ |
| پہچان لی ہے میں نے اس کے ہی قدموں کی آہٹ |
| ہوا ہے نورِ عرفانِ ازل حاصل آہستہ آہستہ |
| ہوئی ہے راکھ جب یہ کج کلاہِ خود انا، مہر ابھرا |
| ہوئی روشن مری باطن کی یہ محفل آہستہ آہستہ |
| نہ اب آغاز کا دکھ ہے، نہ کوئی انجام کا ہی خوف |
| ملی خاکیؔ تجھے بزمِ بقا کی منزل آہستہ آہستہ |
معلومات