| مبارک ہو زمانے میں وہ خُورشیدِ زَماں آئے |
| رَسولِ مُجتبیٰ آئے، شَفِیعِ مُجرِماں آئے |
| زمیں نے فخر سے چومے قدم محبوبِ خالِق کے |
| فرشتوں نے کہا: "دیکھو! شَہِ کَون و مَکاں آئے" |
| یتیموں، بے کسوں کو اِک سہارا مل گیا بے شک |
| جہاں میں رَحم کے پیکر، مَکینِ لامکاں آئے |
| بتوں نے سرنگوں ہو کر کہا: "باطل ہُوا رُخصت" |
| صداقت کا عَلَم لے کر وہ شَاہِ اِنس و جاں آئے |
| درود اُن پر، سلام اُن پر، محبت اُن پہ قُرباں ہو |
| دلوں کی دھڑکنوں میں بس مرے جانِ جہاں آئے |
| "عتیق" اُن کی شفاعت سے رہے گا خُلد میں بے شک |
| لبوں پر آخری دم اُن کا ذِکرِ جاوداں آئے |
معلومات