| رنگ تیرا، سنگ تیرا، ڈھنگ ڈھنگ |
| جھومتی ہے ہر امنگ اب، ہر ترنگ |
| چین میرا، نین تیرے، مست رین |
| بین دل کے بن گئے ہیں نورِ عین |
| بال بکھرے، گال تیرے لال لال |
| چال تیری، حال دل کا بے مثال |
| پیار تیرا، یار میرے، ہے بہار |
| تار دل کے جھومتے ہیں بار بار |
| شام ڈھلتے، بام پر ہو جب خرام |
| جام نینوں کا پلا کر، دے پیام |
| رات ساری، بات تیری، کائنات |
| ذات تیری سے مہکتی ہے حیات |
| خواب جیسا، آب جیسا، یہ شباب |
| تابِ رخ سے جھک گیا ہے آفتاب |
| جان میری، مان میرا، کل جہان |
| دھیان میں بس تو رہے، اے مہربان |
| یاد تیری ہے مرے دل کی مراد |
| اب ترا ہے، تجھ سے ہے آباد شادؔ |
معلومات