| دل و جگر کو چلو داغدار کرتے ہیں |
| ہم آج ذکرِ رخ و زلفِ یار کرتے ہیں |
| سیاہ زلفِ صنم، نازک از کلی ہیں لب |
| نقوشِ جاناں پہ ہم جاں نثار کرتے ہیں |
| کمال تیر فگن ہیں صنم ترے دو نین |
| ہدف بنا کے جگر، آر پار کرتے ہیں |
| تری گلی میں نگاہیں بچھائے لیل و نہار |
| ترا اے مہ جبیں ہم انتظار کرتے ہیں |
| کبھی تو ہو گا رخِ مہ جبیں ہماری سمت |
| بسر اس آس پہ لیل و نہار کرتے ہیں |
| تصورِ رخِ جاناں سے اے میاں عاجز |
| ہم اپنے دل کی خزاں کو بہار کرتے ہیں |
معلومات