| اٹھو غم کے مارو سوئے طیبہ جائیں |
| سنو بے سہارو سوئے طیبہ جائیں |
| ہیں طالع دہر کے بدلتے اسی جا |
| ملو جاں نثارو سوئے طیبہ جائیں |
| نبی رحمتِ حق ہیں محبوب رب کے |
| بڑھو رب کے پیارو سوئے طیبہ جائیں |
| ہیں بے کس کے والی جہاں شاہِ شاہاں |
| چلو میرے یارو سوئے طیبہ جائیں |
| گدا بن کے سلطاں اسی در پہ آئیں |
| اے دلبر کے پیارو سوئے طیبہ جائیں |
| ہو بے چین دن رات ہجرِ نبی میں |
| ارے دلفگارو سوئے طیبہ جائیں |
| ہے لبریز ہستی ثنائے نبی سے |
| عُلیٰ نعرہ مارو سوئے طیبہ جائیں |
| درودوں سلاموں کے گجرے بنا کر |
| چمن کی بہارو سوئے طیبہ جائیں |
| یہ بلکیں جو شیدا فراقِ نبی میں |
| سنو اشک بارو سوئے طیبہ جائیں |
| فدا ہے یہ محمود ہادی پہ دل سے |
| ملو ساتھ یارو سوئے طیبہ جائیں |
معلومات