| دلوں کی رسم۔ محبت میں چاشنی نہ رہے |
| "ہمارے بعد یہ ممکن ہے زندگی نہ رہے" |
| تمہاری یاد کی ذہنوں میں سَلوٹیں تو رہیں |
| مگر وہ پیار۔محبت وہ عاشقی۔ نہ رہے!! |
| تمام رات ہی خوابوں کی دستکیں آئیں |
| مگر اِس آنکھ میں تھوڑی بھی تشنگی نہ رہے |
| ہر ایک شخص تمہاری ہی جستجو میں رہے |
| سب ایسے شہر سے نکلیں کہ آدمی نہ رہے |
| نہ کوئی نام رہے نا کوئی نشان رہے |
| بدن اداس رہیں کوئی تازگی نہ رہے |
| نہ ساز باقی رہیں نا ہی کوئل و بلبل |
| غم و ہراس کے پہرے ہوں نغمگی نہ رہے |
| سید ہادی حسن |
معلومات