| حبیبی یہ آقا نبی مصطفیٰ ہیں |
| بزرگی میں اعلیٰ جو بعد از خدا ہیں |
| امام الامم ہیں صفِ انبیا میں |
| جو ساری خدائی میں سب سے سوا ہیں |
| یہ محبوبِ رب جو دکھوں کا ہیں درماں |
| صلاۃ اُن پہ دائم وہ صلے علیٰ ہیں |
| رواں ان سے سارے ہدایت کے رستے |
| وہ ہادی ہیں میرے وہ ہی آسریٰ ہیں |
| درخشاں انہی سے دلوں کے ہیں گلشن |
| ملے ان سے منزل وہ جانِ ضیا ہیں |
| چلا نورِ ہادی سے مبدا خلق کا |
| اسی سے فلک کے ستارے ضیا ہیں |
| بنے خاکِ بطحا جو سرمہ نظر کا |
| میں دیکھوں نظارے جو کرتے ثنا ہیں |
| ہے محمود مشکل فراقِ مدینہ |
| نہ کر آہیں اونچی وہ سنتے صدا ہیں |
معلومات