| قتل پہ بچوں کے چپ ہوں میں اچھا پاکستانی ہوں |
| قاتل سے ہمدردی بھی ہے ایسا پاکستانی ہوں |
| تم نے یار کہیں دیکھی ہے اس جیسی نامردی بھی |
| عزت لوٹنے والوں کو بھی کہتا پاکستانی ہوں |
| ملک کو آگ لگا کر اس کے ٹکڑے ٹکڑے کر کے پھر |
| نسل پرستی کی زنجیر میں جکڑا پاکستانی ہوں |
| سانپ کو دودھ پلا کر اپنی آستین میں رکھا ہے |
| ظالم اور سفاک کے عشق میں ڈوبا پاکستانی ہوں |
| اصل مسائل چھوڑ کے سارے کھیلیں کھیل سیاست کا |
| خود میں تماشہ دیکھ رہا ہوں اپنا، پاکستانی ہوں |
معلومات