یہ ہستی خوب سجائی ہے |
اک رونق اس میں آئی ہے |
ہیں دہر میں آئے پاک نبی |
کونین ہے ان سے نور بھری |
سرکار ہیں نعمت سب سے بڑی |
امید ہے جن سے سب کو لگی |
ہیں سرورِ عالم سب سے جلی |
جن کے ہیں بھائی شیر علی |
انہیں قادر نے مختار کیا |
سب نبیوں نے اقرار کیا |
ہے روشن تاباں نام نبی |
اور وحدت والا جامِ نبی |
وہ امت کے غمخوار ہیں دل |
اس مولا کے دلدار ہیں دل |
ہیں قاسمِ اعلیٰ پیارے نبی |
رکھیں جھولی سب کی خوب بھری |
یہ سید و سرور میرے نبی |
ہیں اعلیٰ و برتر میرے نبی |
ملا مولا سے عام کریں |
ہر چھوٹے بڑے کا کام کریں |
کیا رب نے ان کو سب سے غنی |
وہ بھرتے ہیں جھولی پور بڑی |
ہر کام ہے جن کا خوب قوی |
ہر آن ہے ان کی بات کھری |
بِن سایہ کے سایہ بان نبی |
یہ نبیوں کے سلطان نبی |
سب آس امید کے پودوں کی |
ہر شاخ ہیں رکھتے خوب بھری |
جو خَلق میں سب سے اعلیٰ ہیں |
وہ خُلق میں سب سے بالا ہیں |
کس دھوم سے ان کو آن ملی |
حب دار ہیں ان کے غوث ولی |
اس حشر کے یہ ہی دولہا ہیں |
جو تیرے میرے مولا ہیں |
یہ امت کے رکھوالے ہیں |
سب ان سے نور اجالے ہیں |
رکھیں سب کی ڈالی خوب پھلی |
ہے پیارے نبی کی ذات بھلی |
وہ منزل ہیں مقصود ہیں جو |
محمود یہ صاحبِ جود ہیں جو |
معلومات