| ہجرِ حبیبِ حق میں یہ آنکھ آج نم ہے |
| جن کی وجہ سے قادر کرتا سدا کرم ہے |
| تیرے نثار ہے میری جان یا حبیبی |
| سینے میں میرے ہادی تیرا کثیر غم ہے |
| کہتا ہے رازِ ہجراں سینے میں ساز دل کا |
| سنتے ہیں ماجرا یہ جس کا اسے عِلم ہے |
| لمحات دوریوں کے دشواریوں میں گزریں |
| ہوتا انہی سے یہ دل ہر آن زیر و بم ہے |
| اُن پر درود رب کے آتے ہیں لمحہ لمحہ |
| جن کا جہان سارا جن کا حسیں حرم ہے |
| قصرِ نبی اے ہمدم سب سے حسیں حرم ہے |
| اعلیٰ نبی کے درجے اس عقل سے ورا ہیں |
| کُل خرد اس جہاں کی حیرت میں آج گم ہے |
| یادِ نبی سے اے من آئے شعور نوری |
| سرکار کے ذکر سے ظلمت دلوں میں کم ہے |
| محمود مصطفیٰ ہی خوشیوں کو بانٹتے ہیں |
| اُن کی ثنا سے اے من کافور ہر الم ہے |
معلومات