| یادِ نبی میں پنہاں وہ رمزِ آشتی |
| جس سے قرار جاں ہو سینے میں روشنی |
| ذکرِ حبیبِ یزداں ہے زینتِ جہاں |
| کونین کی ہے مستی دل جان کی خوشی |
| یسرب بنا مدینہ اُن کے ورود سے |
| شاخِ امید جس جا دائم رہے پھلی |
| حاصل ثنائے جاں سے تازہ حیات ہے |
| سر مست نامِ جاں سے ہوتی ہے زندگی |
| لاتے ہیں کامرانی الطافِ مصطفیٰ |
| قادر نے اعلیٰ بخشی آقا کو دلکشی |
| آسانیاں ہیں کرتے فیضانِ دلربا |
| سب اہلِ ذوق کی ہے سیدھی سدا کڑی |
| مومن کو دی سہولت ربِ کریم نے |
| نوری کتاب قرآں سرکار سے ملی |
| آسان راہِ حق ہے فیضِ جلیل سے |
| محمود خُلد جانو سرکار کی گلی |
معلومات