| میرا بھی ہے کوئی معیار بتایا جائے |
| کیا کہانی میں ہے کردار بتایا جائے |
| ہم نے اس ملک کو سینچا ہے لہو سے اپنے |
| آپ نے کیا کیا سرکار بتایا جائے |
| ملک کی کون ترقی نہیں ہونے دیتا |
| کون ہے راہ کی دیوار بتایا جائے |
| ہم نے اس ملک کی تقریر بدل ڈالی ہے |
| کوئی ہم سا بھی ہے معمار بتایا جائے |
| راز نیلام کیا کس نے بھلا باطل سے |
| کون ہے ملک کا غدار بتایا جائے |
| کس نے نفرت کا زہر گھولا فضا میں ازہر |
| کس نے گاندھی پے کیا وار بتایا جائے |
معلومات