| داغ سینے سے نکالے نہ گئے |
| درد اتنے تھے سنبھالے نہ گئے |
| اشک آتے نہیں آنکھوں میں مگر |
| ہونٹوں سے کیوں مرے نالے نہ گئے |
| تا دمِ مرگ رہا شوقِ سفر |
| اس لئے پاؤں سے چھالے نہ گئے |
| ہجر درپیش ہوا جب سے مجھے |
| تب سے مجھ کو جاں کے لالے نہ گئے |
| جھوٹ کہتا ہے وہ ظالم کہیں کا |
| اس کے یہ طور نرالے نہ گئے |
| اس نے پھینکے تھے مری قبر پہ جو |
| پھول وہ مجھ سے سنبھالے نہ گئے |
| آنکھ روشن نہ رہی میری مگر |
| تیری یادوں کے اجالے نہ گئے |
| سو جتن کر کے بھی دیکھے ہیں میں نے |
| جانے کیوں دل سے نکالے نہ گئے |
| صبر ساغر تھا مرے ساتھ جبھی |
| دکھ ترے ہم سے اچھالے نہ گئے |
معلومات