امن کی کوئی ابتدا کرتے |
عمر گزری ہے انتہا کرتے |
ہم سے کہتے ہیں تبصرہ کرتے |
نوحہ یا مرثیہ کہا کرتے |
تشنہ لب اس میں چپ رہے سارے |
کیا سمندر سے وہ گلہ کرتے |
کہہ بھی دیتے جو داستانِ غم |
کیا ضروری ہے وہ سُنا کرتے |
راستہ جو انہیں دکھائے گا |
کاش اُس کو وہ رہنُما کرتے |
اس پہ ہم نے یقین رکھا ہے |
اس کا ہم کیا نہ آسرا کرتے |
اس کی آنکھوں نے ہی رکھا مخمور |
اور کیا کوئی ہم نشّہ کرتے |
امن کی راہ کچھ نکل آتی |
ہم بھی راضی اگر خدا کرتے |
ہم نہ طارق بدل دیں سوچ اپنی |
کچھ کریں بھی ہیں گر دُعا کرتے |
معلومات