اس برس ہم کس قدر مجبور ہیں مستان جی |
در سے تیرے آج ہم بھی دور ہیں مستان جی |
دل میں چاہت ہے لگن ہے در پہ آنے کی تڑپ |
حالتِ خستہ سے ہم معذور ہیں مستان جی |
جھولیاں بھرتے ہیں خالی مجھ پہ ہو نظرِ کرم |
لطف تیرے بالیقیں مشہور ہیں مستان جی |
ہم پہ بخشش کی نظر اک بار ہو جائے شہا! |
گردشِ دوراں سے ہم رنجور ہیں مستان جی |
حال پژمردہ مِرا فریاد رس کوئی نہیں |
دل کے ارماں کیا کہوں مکسور ہیں مستان جی |
ہر گھڑی نظروں میں رہتا روپ تیرا دلنشیں |
باخدا ہم عشق میں مسحور ہیں مستان جی |
تیری نسبت سے تصدق کی درخشندہ جبیں |
اس عطا پر ہم تِرے مشکور ہیں مستان جی |
معلومات