الطافِ مصطفیٰ سے میرا سجے یہ سینہ |
آدابِ دلربا کا مولا ملے قرینہ |
میں ماسوا کو بھولوں عشقِ نبی میں مولا |
یہ سر ہو ان کے در پر ہے فوق کا جو زینہ |
طالع بنیں فروزاں مختارِ کل حبیبی |
نامہ جلی ہو میرا یہ دل ہو آبگینہ |
دیدارِ مصطفیٰ کا طالب ہوں اے خدایا |
ہجرِ نبی میں رہ کر دشوار ہے یہ جینا |
ایسی ملے تجلیٰ حسنِ حبیبِ رب کی |
جو من میں میرے دائم پیدا کرے سکینہ |
گرداب کا ہے گھیرا لرزاں ہے ناؤ میری |
ہادی سنبھالیں اس کو ہوں طالبِ مدینہ |
قادر حضور تیرے محمود کی دعا ہے |
ہو عشقِ الضحیٰ کا اس کو عطا قرینہ |
معلومات