| نعتیہ نظم (میری بخشش کا ذریعہ) |
| لوگ کہتے ہیں سب میں نے سن رکھا ہے |
| ہوتی ماں کی دعا ہے بہت پر اثر |
| اے میری ماں یہی بس دعا دے مجھے |
| نعت کہنا خدایا سکھا دے مجھے |
| نعت کہتا رہوں لوگ سنتے رہیں |
| بس اسی طور سے یہ کٹے زندگی |
| مجھ کو کوئی سلیقہ نہیں زہد کا |
| نعت گوئی ہی میری بنے بندگی |
| ہو تخیل میرے کو بھی ندرت عطا |
| شعر کہنا کوئی تو بتا دے مجھے |
| اے میری ماں یہی بس دعا دے مجھے |
| نعت کہنا خدایا سکھا دے مجھے |
| میری آوارگی راس آئے مجھے |
| میری منزل مقدس ہو شہر نبی |
| سر پہ رکھے ہوئے میں قدم پھر چلوں |
| دل کی نظروں سے دیکھوں نگر ہر گلی |
| پاک روضے کے میں چند بوسے بھی لوں |
| ایسے دن بھی مقدر دکھا دے مجھے |
| اے میری ماں یہی بس دعا دے مجھے |
| نعت کہنا خدایا سکھا دے مجھے |
| کربلائے معلٰی کی پر سوز خاک |
| میری آنکھوں کا سرمہ بنے ایک دن |
| روضہء جگر گوشۂ ختم النبی |
| میرا انور وسیلہ بنے ایک دن |
| مجھ کو أعمال سے کچھ توقع نہیں |
| نانا حسنین کا بخشوا دے مجھے |
| اے میری ماں یہی بس دعا دے مجھے |
| نعت کہنا خدایا سکھا دے مجھے |
| انور نمانا |
معلومات