| چلو اُن کے نقشِ قدم پر سدا |
| محبت دے جن کی دلوں کو شفا |
| ملے عشقِ دلبر خدا سے ملے |
| جو کرتا ہے خانہء دل میں ضیا |
| کریں یادِ دلبر ہو فضلِ خدا |
| مزین ہوں سارے صبا و مسا |
| ہے جاری ثنائے نبی ہر گھڑی |
| یہ میثاقِ قادر نبی سے ہوا |
| بجیں ڈنکے آقا کے کونین میں |
| عُلیٰ ذکرِ دلبر خدا نے کیا |
| ورودِ نبی سے ہیں نازاں جہاں |
| قدم جن کے آئے سجے دو سریٰ |
| یہ احسان ہم پر خدا سے ہوا |
| ہمیں امتِ دلربا میں کیا |
| اے محمود شکرِ خدائے نبی |
| دیئے جس نے ہم کو نبی مصطفیٰ |
معلومات