| شعر و موسیقی کی صحبت میں گزاری زندگی |
| چند سالوں کی نہیں ساری کی ساری زندگی |
| عالم و زاہد مفسُرّ اعلیحضرت یا فقیہ |
| چھوڑ کر چند ایک کو ہے دلآزاری زندگی |
| غربت و افلاس بیماری حوادث رنج و غم |
| تیسری دنیا کے ساکن آہ و زاری زندگی |
| قومِ موسیٰ نے بنایا دو ارب کو یرغمال |
| مسلم اُمّہ کچھ نہیں مردم شماری زندگی |
| پھونک ڈالے شہر و بستی گُل گلستان و چمن |
| ساکنانِ الغزہ پر ضربِ کاری زندگی |
| صبحدم پیدا ہوئے تو واللہ یہ نہ علم تھا |
| کس قدر آسان تھی اب کتنی بھاری زندگی |
| گر ترے جینے کا مقصد کچھ نہیں تو باخدا |
| شرمساری شرمساری شرمساری زندگی |
| زندگانی کچھ نہیں بس ایک تیری یاد ہے |
| یہ نہ ہو تو خواجہ صاحب ریز گاری زندگی |
معلومات