| غزل |
| نفرتوں کے بیج بو کر الفتیں اگتی نہیں |
| دشمنی کی جو لکیریں کھچ گئیں مٹتی نہیں |
| سر پہ کوئی سائباں یا چھت تو ہونی چاہیے |
| ایسے تو برسات کی راتیں کبھی کٹتی نہیں |
| دل جلوں کی روح کی تسکین ہی مطلوب ہے |
| ایسے تو بادٔ صبا بھی بے سبب چلتی نہیں |
| گلشنِ امید پر ویرانیوں کا راج ہے |
| اجڑے باغیچوں میں کوئی بھی کلی کھلتی نہیں |
| بارشوں کا منتظر رہنا ابھی تقدیر ہے |
| گرد جو قسمت پہ ہے وہ جب تلک دھلتی نہیں |
| اک نہ اک دن فاش انور ہونی ہیں یہ بالیقیں |
| سازشیں تا دیر پردوں میں کبھی چھپتی نہیں |
| انور نمانا |
معلومات