| دیپ کی خاطر کیا طوفاں تھم جاتے ہیں؟ |
| بد قسمت ہی اس کی زد میں آتے ہیں |
| جن کے پاس فراوانی ہے دولت کی |
| کیوں غربا کو روٹی پر ترساتے ہیں |
| ایک کے پاس نہیں کچھ جسم چھپانے کو |
| دوسرے مہنگے کپڑوں پر اتراتے ہیں |
| نام دیا "اشراف" امیروں کو تم نے |
| اور غریب یہاں کمتر کہلاتے ہیں |
| سرخ لہو سے میرے وطن کی مٹی ہے |
| حاکم جو ہیں کہ امن کا راگ سناتے ہیں |
| پاک وطن میں راج ہے غنڈا گردوں کا |
| مفلس بے تَقْصِیر بھی مارے جاتے ہیں |
| خون یہاں پر پانی سے بھی سستا ہے |
| پانی کی بوتل پر خون بہاتے ہیں |
| ان دھا ہے قانون ہماری بستی کا |
| اس کی نظر سے قاتل بھی بچ جاتے ہیں |
معلومات