| اب نہیں باقی ذرا بھی اعتبارِ زندگی |
| دن بہ دن بڑھتا رہا ہے میرا بارِ زندگی |
| دل کے قبرستان میں مدفون کتنے راز ہیں |
| ایک بھی ظاہر ہو گر ہو تار تارِ زندگی |
| خانماں ہو کے بھی میں بے خانماوں میں رہا |
| جب مقدر نے کیا مجھ کو شکارِ زندگی |
| ہم اسی امید پر ظلم و ستم سہتے رہے |
| رفتہ رفتہ چھٹ ہی جائے گا غبارِ زندگی |
| تیری اک پل کی بھی فرقت میں نہیں سہہ پاوں گا |
| اے مرے دل ، جانِ جاں، اے میرے یارِ زندگی |
| سانپ کے رنگوں کی، نسلوں کی مجھے پہچان ہے |
| آستیں میں جب سے پالے میں نے مارِ زندگی |
| ایک مدت سے مرے کانوں میں جو ہی گونجتی |
| موت کی آواز ہے یا ہے پکارِ زندگی |
| اس جہاں کی قید سے آزاد ہونے کے لئے |
| عمر بھر کرتا رہا میں انتظارِ زندگی |
معلومات