| غزل |
| ہاتھ میں ہاتھ دو، جئیں گے ہم |
| ورنہ، جی کر بھی کیا کریں گے ہم |
| جِن اداؤں کو زندگی جانیں |
| اُن اداؤں پہ مر مٹیں گے ہم |
| آپ نے کس بنا پہ ٹھکرایا |
| خَلق پُوچھے تو کیا کہیں گے ہم |
| خوش، تمھارے وقار کی خاطر |
| خود پہ الزام سب سہیں گے ہم |
| جَان پہچان سے مُکر جانا |
| اِتفاقاً، کہیں، مِلیں گے ہم |
| بینچ لو جاتے جاتے بانہوں میں |
| پھر نہ جانے کبھی ملیں گے ہم |
| اشک موتی سنبھال کر رکھنا |
| ہنستے ہنستے وداع کہیں گے ہم |
| جب کہو جاں نِثار کر ڈالیں |
| ایک لمحہ نہیں رُکیں گے ہم |
| مَر مِٹے تب تمھیں یقیں آیا |
| ہم نہ کہتے تھے مَر مِٹیں گے ہم |
| زخم بھر جاتے ہیں سبھی آخر |
| کب تلک غم زدہ رہیں گے ہم |
| تَرک کر کے شہاب سب دُنیا |
| دُور جنگل میں جا بسیں گے ہم |
| شہاب احمد |
| ۸ جون ۲۰۲۳ |
معلومات