| پہلے وہ ابتدا سے آخر میں انبیا سے |
| اعلیٰ ہیں رتبے حاصل جس ذات کو خدا سے |
| حُسنِ جہاں ہے پَرتو زیبائے مصطفیٰ کا |
| جس کو ہے نور ملتا سرکارِ کی ضیا سے |
| قائم یہ زندگی ہے دانِ نبی سے ساری |
| کونین کی وجہ ہیں ٹھہرے وہ ابتدا سے |
| تشبیہ کے لئے ہیں منظر حسیں جہاں کے |
| خیرات ہیں یہ لیتے الطافِ الضُحٰی سے |
| دانی وہ منزلوں کے سب سے امین تر ہیں |
| مِلتی ہے راہ سیدھی آقا کے نقش پا سے |
| یادِ نبی ہے ملجا ٹوٹے ہوے دلوں کا |
| ہر فیض دیکھ مومن آتا ہے مصطفیٰ سے |
| خاکِ شفا ہے مٹی سرکار کے چمن کی |
| بیمار بہرہ ور ہیں جس کی عجب شفا سے |
| میرا سلام رکھ لو بطحا کے زائرو تم |
| عرضی میں ان کو کہنا بعد اپنے مدعا سے |
| باتیں ہزار میں نے دلدار سے ہیں کرنی |
| مجھ کو بلائیں در پر منت ہے یہ پیا سے |
| خوشبوئے جاناں وہ جو بطحا چمن ہے رکھتا |
| ہم کو رکھے مُعطّر کہنا وہاں ہوا سے |
| ہر دور میں ہیں گزرے بسیار فحرِ انساں |
| لیکن ہیں نیچے نیچے دلدارِ کبریا سے |
| اُمت میں آپ کی ہوں واجب ہے شکر اس پر |
| اعلی ملا یہ ناطہ دلدارِ انبیا سے |
| محمود بادِ بطحا مسحور کُن ہے دائم |
| جو ناز سے رواں ہے محبوب کی عطا سے |
معلومات