| اسے قدرت نے وہ طاقت دی کہ اک لحظہ میں |
| کئی خاموش جرائم کو دکھا سکتا ہے |
| توڑ کے ظلم کے رنگین سے ان پنجوں کو |
| سبھی ظالم کی نخوت کو مٹا سکتا ہے |
| ظلم کر کے تو چھپے لاکھ کمیں گاہوں میں |
| ترے معصوم سے پردوں کو ہٹا دے گا یہ |
| تو کرے لاکھ یہ دعویٰ کہ میں منصف ہی ہوا |
| ترے انصاف کا معیار دکھا دے گا یہ |
| کوئی کتنا ہی بنے قیصر و کسریٰ کی طرح |
| اس کی ٹھوکر میں تخت سبھی کا تاراج |
| یہی دنیا کے لیے باعثِ صد زینت ہے |
| جس نے تھاما ہے اسے وہ ہے جہاں کا سرتاج |
| یہی ہر دور میں مظلوم کا سرتاج رہا |
| اسی دربار میں کمزوروں نے فریاد کیا |
| بس قلم کی جو چلی بادِ صبا دنیا میں |
| کتنے ویرانوں کو اک لحظہ میں آباد کیا |
| اس سے تقدیر کی دنیا کئی آباد ہوئی |
| اس نے الفت کے جلائے ہیں بہت سارے چراغ |
| اس نے کچھ درسِ وفا ایسے دیے دنیا کو |
| کہ قلندر کو بھی مل سکتا نہیں جس کا سراغ |
| اس نے تہذیب کے بت خانے میں رکھی وہ شمع |
| اس سے مغرب کے صنم خانے ہوئے ہیں روشن |
| علم کے اس نے لٹائے ہیں وہ موتی جس سے |
| سبھی بے علموں نے یوں آج بھرا ہے دامن |
معلومات