| نہ در پہ قفل، نہ پاؤں میں آہنی حلقہ |
| مگر نگاہ ہے غیروں کے اک اشارے پر |
| سمجھ رہا ہے جسے اپنی رائے ناداں وہ |
| صدا رکھی ہے یہاں نفع اور خسارے پر |
| یہ کہہ کے چھین لیا عقل و فکر کا جوہر |
| کہ فیصلہ ہے میسر فقط اشارے پر |
| خبر کے ڈھیر کو سمجھے ہے علم کی دولت |
| سوال مر گیا باطن کے اک کنارے پر |
| زمانے بھر میں الجھ کر وہ رہ گیا محصور |
| کہ سوچنے نہ دیا وقت کے خسارے پر |
| بڑھا سکے نہ قدم اپنے اختیار کے ساتھ |
| جھکا ہوا ہے بشر دور کے اشارے پر |
| نہ علم چھوڑ، نہ ایجاد سے گریزاں ہو |
| مگر نہ عقل کو رکھ غیر کے اجارے پر |
| جو حق کی بات کو کردار کا لبادہ دے |
| ہے نام زندہ اسی کا جہاں کے تارے پر |
| اٹھا سوال، کہ ہمرازؔ زندگی یہ ہے |
| کھڑا رہے جو ہمیشہ ترے شرارے پر |
معلومات