| نظم اردو |
| میری عمر کی جو کتاب ہے |
| یہ اب آخری اس کا باب ہے |
| یہ حیات ہے یا سراب ہے |
| اس سے آگے یوم الحساب ہے |
| جانا اپنے رب کے ہی پاس ہے |
| میرا پھر بھی دل یہ اداس ہے |
| یہ حساب اپنا خراب ہے |
| اس سے آگے یوم الحساب ہے |
| وہ جو ہونے مجھ سے سوال ہیں |
| میری جان کا وہ وبال ہیں |
| دینا پڑنا سب کا جواب ہے |
| اس سے آگے یوم الحساب ہے |
| تو اگر کسی کا کفیل تھا |
| اور اسی کے حق میں بخیل تھا |
| ہونا سب کا ہی احتساب ہے |
| اس سے آگے یوم الحساب ہے |
| کچھ دنوں کی یہ جو حیات تھی |
| یہ ہمیشہ سے بے ثبات تھی |
| ایسے گزری ہے جیسے خواب ہے |
| اس سے آگے یوم الحساب ہے |
| میرا رب تو بے شک رحیم ہے |
| وہ غفور ہے وہ کریم ہے |
| رحمت اس کی تو بے حساب ہے |
| اس سے آگے یوم الحساب ہے |
| انور نمانا |
معلومات