جس طرح سے سرو قد شمشاد کا باقی رہا |
اب بھی دیکھو احترام استاد کا باقی رہا |
سیکھ کر اڑنا پرندے چھوڑ جائیں گھونسلے |
سلسلہ استاد کی پر داد کا باقی رہا |
منصفوں کو سوچنا ہے کل وہ کیا دیں گے جواب |
مدرسے میں گر اثر جلّاد کا باقی رہا |
عشق کی تاریخ نے سکھلا دیا ایسا سبق |
جوئے شیریں تیشۂ فرہاد کا باقی رہا |
آگے بڑھنے کے لئے کوشاں کیا استاد نے |
شوق ہم کو بھی کسی ایجاد کا باقی رہا |
علم کی دولت ملی ہے اور دعا استاد سے |
کیوں ہے شکوہ پھر دلِ ناشاد کا باقی رہا |
اک نئی آفت ہمیں ہر روز ہی درپیش تھی |
اس لئے کوئی نہ ڈر افتاد کا باقی رہا |
ہم نے مانا جو کہا طارق کسی استاد نے |
اک تعلّق ان سے ہم کو صاد کا باقی رہا |
معلومات