| قریبِ مرگ ہُوں اب زندگی نصیب ہو جائے |
| مِرے حضور مجھے حاضری نصیب ہو جائے |
| بہ پیشِ روضہِ سرور خود اپنے آپ جُھکے سر |
| بہ وقتِ حاضری خود رفتگی نصیب ہو جائے |
| درِ نبی پہ مَیں جا کے یہ مانگتا ہُوں خدا سے |
| درِ علی کی مجھے نوکری نصیب ہو جائے |
| جو اِک گھڑی ملے دربانی بابِ علمِ نبی کی |
| ہر ایک علمِ خفی و جلی نصیب ہو جائے |
| تِرے کریم پیمبر ہو جائیں خوش جِسے سُن کر |
| خدایا مجھ کو وہ نعتِ نبی نصیب ہو جائے |
معلومات