| یہ خلا جو شرط ہے قرب کی یہی حسن ہے |
| اسی فاصلے نے بنا رکھا ہے یہ رابطہ |
| مجھے اور پاس سے جاننے کی یہ جستجو |
| یہ ترے لیے ہی نہیں مجھے بھی محال ہے |
| میں تو آئنہ بھی سنور سنور کے ہوں دیکھتا |
| مجھے جاننا ہے تو اس ادا سے ہی جان لے |
| جسے زعم تو نے سمجھ لیا مرا خوف ہے |
| مرا خوف جتنا وجیہہ جتنا حسین ہے |
| یہ اسی خلا اسی فاصلے کے سبب سے ہے |
| یہ پہاڑ تو نے جو سر کیا تو یہ جان لے |
| یہ پہاڑ ایسا نہیں جسے میں جلا سکوں |
| میں خدا نہیں ہوں کہ تیری جان بچا سکوں |
| ہمیں گھومنا ہے تو اپنے اپنے مدار میں |
| ہے جو ایک مرکزِ دائرہ یہی حسن ہے |
معلومات