| صادق امین مخبر سرور کی ہو ثنا |
| ایسے لطیف یزداں دلبر کی ہو ثنا |
| ہیں فیضِ اولیں جو دارین میں حسیں |
| اوجِ کمال کے اُس اختر کی ہو ثنا |
| وہ گنج جس سے نکلے انوارِ دو سریٰ |
| اس کنزِ فیض والے انور کی ہو ثنا |
| آقا جمیلِ ہستی داتا جمال کے |
| پاکیزہ طینتوں میں طاہر کی ہو ثنا |
| جو لامکاں میں عرشِ اعلیٰ کے ہیں مکیں |
| ادراک سے ورا اس پیکر کی ہو ثنا |
| الطاف جن کے دیتے ہیں مژدہ جاں فزا |
| مولا کے اُس شفیعِ محشر کی ہو ثنا |
| محمود جانِ ہستی سرکار مصطفیٰ |
| تخلیق میں معطر طاہر کی ہو ثنا |
معلومات