| دِل میں تیرا عِشق ہی میری مَتاعِ ناز ہے |
| آپ کے لطف و کرم سے ہی مِری پَرواز ہے |
| ذِکر تیرا رُوح کو دیتا ہے ایسی تازگی |
| دِل کے گُلشن میں مَہکتا اِک نیا اَنداز ہے |
| راہِ حَق میں چلنے والا ہے بڑا ہی مُعتبر |
| بارگاہِ کبریا میں بھی وہی مُمتاز ہے |
| مُصطفیٰ ﷺ کی ذاتِ اَقدس سے ہے روشن کائنات |
| اُن کی نِسبت ہی ہمارے واسطے اِعجاز ہے |
| مَدحتِ سَرکار میں کھویا ہوا رہتا ہے جو |
| اے عتیق اس کے لیے واللہ یہی اِعزاز ہے |
معلومات