پھوپھیاں ہیں پیار کا اک، دلنشیں سا سلسلہ
ان کی میٹھی گفتگو سے، کٹ گیا ہر فاصلہ
​باپ کی خوشبو بسی ہے، ان کی ہر اک بات میں
ان کی ہستی سے جڑا ہے، باپ کا یہ رابطہ
​ان کی صورت میں نظر آتی ہے دادی کی جھلک
عکسِ دادی سے جڑا ہے، میرے دل کا واسطہ
​ان کی آنکھوں میں چمکتی ہے محبت کی کرن
ان کو پا کر مل گیا ہے، زندگی کا حوصلہ
​غم کے سائے چھٹ گئے ہیں، مل گئی ہے اک خوشی
رہنما بن کر چلائیں، زندگی کا قافلہ
​ان کی شفقت سے ملا ہے، پیار کا اک آسرا
ان کی ہستی سے ملا ہے، تازگی کا ولولہ
​شادؔ کا دل کر رہا ہے، ان کی خاطر یہ دعا
مسکراتی ہی رہیں وہ، طے ہو ہر اک مرحلہ

0
3