| "تحریر لوح دل پہ محمدؐ کا نام ہے" |
| دل میں مرے نبیؐ کا سدا احترام ہے |
| دنیا میں جس کے ذکر سے روشن ہے ہر مقام |
| لب پر مرے سدا وہی عالی مقام ہے |
| آتا ہے جب بھی لب پہ درود نبیؐ تو پھر |
| دل کو سکون ملتا ہے، دل شاد کام ہے |
| طیبہ کی خاک ملنے کی حسرت ہے دل میں بس |
| اس خاک سے بڑا نہ کوئی اور مقام ہے |
| ہر سو ہے ان کی رحمت عالم کا تذکرہ |
| ہر درد مند دل کے لئے وہ پیام ہے |
| جن کے طفیل ربﷻ نے عطا کی ہے زندگی |
| وہ رحمت تمام ہے، خیرالانامؐ ہے |
| ناصؔر کو بس یہی ہے تمنا تمام عمر |
| لب پر درود پاک ہو، دل میں سلام ہے |
معلومات