| اداس نظمیں سنا رہی ہے |
| وہ دھیمے سر میں جو گا رہی ہے |
| نگاہِ نازِ بتاں کی شوخی |
| دلوں کی دنیا لٹا رہی ہے |
| کسی کے وعدوں کی خامشی بھی |
| عجیب فتنے جگا رہی ہے |
| خرد کے دعوے دھرے رہیں گے |
| جنوں کی منزل بلا رہی ہے |
| کسی کی یادوں کے سرد موسم |
| وہ اپنے دل میں بسا رہی ہے |
| یہ کیسا سودا ہے زندگی کا |
| کہ سانس قیمت چکا رہی ہے |
| یہ کس کے آنے کی آس لے کر |
| وہ روز چوکھٹ سجا رہی ہے |
| عدم سے ہستی تلک کی گردش |
| ہمیں کہاں لے کے جا رہی ہے |
| وہ اپنی پلکوں پہ شام رکھ کر |
| مجھے ستارے دکھا رہی ہے |
| جلا کے خرمن ہمارے دل کا |
| وہ خود ہی آنسو بہا رہی ہے |
| فریبِ دنیا کی موج ساغرؔ |
| نشانِ ہستی مٹا رہی ہے |
معلومات